به‌شداری هه‌یئه‌تێكی حدكا له‌ مەراسمی پرسەی سەرەخۆشی سەرۆک مام جەلال تاڵەبانی دا له‌ وه‌لاتی نۆروێژ

رۆژێ یەک شەممە، رێکەوتی ٨ی ئۆکتۆبری ٢٠١٧ی زاینی، هەیئەتێکی  حیزبی دێموکراتی کوردستانی  ئێران، بە سەرپەرستی هاوڕێی بەرێز کاک ئازاد عەزیزی، ئەندامی رێبەریی حیزب، لە ڕێوڕەسمی پرسەوسەرەخۆشی سەرۆک مام جەلال تاڵەبانی، سەرکۆماری پێشووی عێراق و سکرتێری گشتی یەکیەتی نیشتیمانی دا، کە لە شاڕۆچکەی لیلەستڕۆم، نزیکی ئۆسلۆی پایتەختی نۆروێژ، پێک هاتبوو، بەشداری کرد.

دەبێت بگوترێ کە  ژمارەیەکی زۆر لە کوردەکانی دانیشتووی  ئەو وڵاتە و  نووێنەرانی حیزب و رێکخراوە سیاسیەکانی کوردستان لەو مەراسمەدا بەشداربوون.

شایانی باسە حیزبی دێموکراتی کوردستانی  ئێران، یەکێک لە ئەندامانی دەستەی سەرپەرستی ئەو رێورەسمە بوو.

بەشی پێوەندیە کوردستانیەکانی کۆمیتەی حیزب لە نۆروێژ

٨.١٠.٢٠١٧

تێبينيى
ئامادەکردن...